Зураач эр бухал өвснөөс зүү эрж олжээ

Манайхан хамгийн бүтэлгүй ажлыг “Өвсөн дотроос зүү хайх” гэдэг дээ. Харин зураач эр Свен Сашалбер францын нийслэл Парисын “Жан де Лоси” галарейд бухал өвсөн дундаас зүү хайгаад 48 цагийн дараа олсон гэнэ. 

Галарейн захирал үзвэрийн танхимд  нэг бухал өвс оруулаад түүндээ оёдлын ерийн л нэг зүү нуужээ. 
Зураач эр энэ ажлаа” өөрийнхөө анхаарлыг төвлөрүүлэх дасгал” гэж нэрлэсэн байна. Харин үүний тулд тэрээр ойр орчимдоо хүмүүс байж ажилд нь садаа болон анхаарлыг нь сарниулахгүй байхыг хүсчээ. 

 Энэ нүсэр хөдөлмөрийнхөө хариуд зураач эр ганц ч зоосны шагнал авалгүй, харин өөрийн амьдардаг Нью-Йорк руугаа нисэх тасалбар л авчээ. 
 
Свен Сашалбер ер нь сонин зүйл, адал явдалд дуртай нэгэн. Тэрээр үүний өмнө хортой мөөг идэж, үнээтэй хамт 24 цаг нэг тасалгаанд байж, асар бүдүүн модыг гар хөрөөгөөр хөрөөдөж байсан юм