“Шинэ Ерөнхий сайд” Ч.Сайханбилэгийг төрийн тусгай хамгаалалтанд авчээ

Энэ 11 сар төрийн ордонд нэлээн “халуухан” үйл явдлаар дүүрэн байгаа. Монгол улсын 27 дахь ерөнхий сайд Н.Алтанхуяг албан тушаалаасаа огцорч дараагийн шинэ Ерөнхий сайдаар УИХ-ын гишүүн Ч.Сайханбилэг тодроод байгаа. Тэрээр түүнийг өнгөрсөн баасан гаригт хуралдсан АН-ын ҮЗХ-ны гишүүдийн 53.5 хувийн саналаар Ерөнхий сайдаар томилуулахаар дэмжсэн юм.
 

Шинэ Ерөнхий сайдад нэр дэвшүүлсний дараагаар Ч.Сайханбилэгийг Төрийн тусгай хамгаалалтын газраас хамгаалалтад авчээ.
 

Төрийн тусгай хамгаалалтын тухай хуулиар “Төрийн гурван өндөрлөг” буюу Ерөнхийлөгч, Ерөнхий сайд, УИХ-ын дарга нарыг мөн шаардлагатай тохиолдолд нэр дэвшигчдийг хамгаалалтад авдаг. Энэ дагуу Ч.Сайханбилэгийг Төрийн тусгай хамгаалалтын газрынхан үүргээ биелүүлж, Ерөнхий сайдад нэр дэвшигч Ч.Сайханбилэгийг хамгаалалтдаа авлаа. Харин Н.Алтанхуягийн хамгаалалтын зэрэглэлийг бууруулах нь тодорхойгүй байсаар байна.