Мэргэн харваач О.Цэнд-Аюуш

Багадаа багш болохыг мөрөөддөг байсан “ТВ коктейл” хамтлагийн жүжигчин О. Цэнд-Аюуш олон төрлийн спортоор хичээллэх хоббитой нэгэн. Кино, жүжиг, зар сурталчилгааны зураг авалт зэрэг завгүй их ажлынхаа хажуугаар өөрийгөө хөгжүүлэхээр байт сурын спортоор хичээллээд багагүй хугацааг өнгөрөөжээ.Тэрээр ихэвчлэн амралтын өдрөөрөө бэлтгэлийн байрандаа очдог.

Долоо хоногт хоёр удаа бэлтгэл хийж, үеийнхэнтэйгээ цэц булаацалддаг тухайгаа хуучилсан юм. Одоо тэрээр 50 метрийн зайнд хангалттай харвадаг болжээ. Байт сурын спорт хараа, хурд, авхаалж самбаанаас гадна сэтгэлзүйн зөв төлөвшил олгодог тухай жүжигчин бүсгүй ярьж байна.