“МАК”-ийн өв залгамжлагчийн шинэ хайр

“Монголын Алт” Компанийн захирал Б.Нямтайширын гэр бүл сүүлийн үед хэвлэлийн хуудаснаас салахаа больжээ. “МАК”-ийн захирал Б.Нямтайшрын хүү Н.Номтобаяр үргэлж л хэвлэлийн баатар болдог бол, түүний охин Н.Цэлмүүний хувийн амьдрал бас л олны анхаарлыг татаж байна.

Одоогоор “МАК”-ийн өв залгамжлагчаар тодроод буй Н.Цэлмүүн бүсгүй компанийхаа хөрөнгө оруулалтын хэлтсийг удирддаг гэнэ лээ. Н.Цэлмүүн хэсэг хугацаанд Цолмон гэх залуутай гэр бүл зохиож, үрийн зулай үнэрлэсэн аж. Хосуудын дундаас төрсөн хүү нь саяхан дөрвөн ой хүрчээ. Уг нь Н.Цэлмүүний нөхөр Цолмон нь мэдлэг боловсролоор хэнээс ч дутахгүй, гадаадад сургууль төгссөн, манай урдаа барьдаг цөөн эрдэмтний хүү юм байна.

Н.Цэлмүүн нөхрөөсөө салаад удалгүй “Хас”-ын Ч.Ганхуягийн дүү Ч.Ганзоригтой нэг хэсэгтээ л хөтлөлцөн гүйсэн. Баян айлын хөвгүүдийн сонирхлын бүсгүй болох Н.Цэлмүүн энэ удаа шинэ хайртайгаа учирчээ.Түүний энэ удаагийн сонголт Ерөнхий сайд асан Сү.Батболдын хүү Б.Баттүшиг аж. Б.Баттүшиг нь АНУ-д их дээд сургуулиа дүүргэсэн мэдлэг боловсрол өндөртэй залуу. Хосууд үерхээд удаагүй байгаа сурагтай.