“Miss Mongolia”-ын тэргүүн мисс Ю.Балжидмаа

Арван нэг дэх  ”Монголын мисс” өнгөрсөн амралтын өдөр тодорлоо. “Miss Mongolia 2014″ тэмцээнд нийслэл, орон нутгаас 70 гаруй үзэсгэлэнт бүсгүйчүүд  авьяас,гоо үзэсгэлэнгээрээ өрсөлдлөө. Мисс Монголиа Холбоо нь Монгол ороны гоо сайхан, үнэт зүйлийг өөрийн оронд төдийгүй дэлхий дахинаа сурталчилан таниулах эрхэм зорилготой энэ тэмцээн залуучууд тэр дундаа охид бүсгүйчүүдийн нийгмийн идэвхи оролцоо, боловсролыг дээшлүүлэхэд чиглэж байдаг билээ. “Miss Mongolia” тэмцээний ялагч олон улсын томоохон нэр хүндтэй тэмцээн болох “Miss International” тэмцээнд  эх орноо төлөөлөн оролцох юм.

Тус тэмцээний шилдгийн шилдэг титмийн эзнээр хувийн дугаар 07 №17 Ю.Балжидмаа шалгарч 11 дэхь Монголын гоо үзэсгэлэнт бүсгүйгээр тодорлоо.

Дэд байранд М.Халиунаа, гуравдугаар байрт Баярцэцэг нар тус тус шалгарсан бол тэмцээний Авъяаслаг мисээр  Э.Азбилэг, Спортлог миссээр  Б.Гүнзаяа, Фото миссээр  Ц.Дэлгэржаргал, Мисс Моделиор  Ю.Балжидмаа, Бикини Миссээр  М.Халиунаа, Оюунлаг миссээр хувийн А.Баярцэцэг нар тус тус шалгарсан юм. Дашрамд дуулгахад  Мисс Э.Ану “Miss Mongolia 2013″-ын ялагч болж байсан билээ.