18 настай бүсгүй барилгаас унаж амиа алдлаа

Барилгын өргүүрээс 18 настай бүсгүй  унаж амь насаа алдсан хэрэг  өчигдөр гарчээ. Тодруулбал, БЗД 26 дугаар хороо. "Илсон Деволопмент" компанийн захиалгаар баригдаж байгаа "Труэ-Эл" орон сууцны 103 дугаар барилгаас хоёр ажилтан унаж, 18 настай бүсгүй амиа алдсан байна. Энэ барилгын ерөнхий гүйцэтгэгчээр “Зуншин” компани, туслан гүйцэтгэгчээр “Бай Лхагва” компани ажиллаж байсан аж. 

Мэргэжлийн хяналтын ерөнхий газраас өгч байгаа мэдээллээр, өргүүрийг хариуцсан “Бай Лхагва” компани нь тусгай зөвшөөрөлгүй байтал “Зуншин” компани гэрээ байгуулж ажиллуулсан. Энэ компанийг өмнө нь шалгаж зөрчлөө арилгах хугацаатай албан даалгавар өгч байсан” гэж мэдэгдлээ.

Хэдийгээр өргүүрт сууж явсан хоёр ажилчин хоёулаа хамгаалалтын бүстэй байсан ч талийгаачийн хамгаалалтын бүс тасарснаас ийнхүү амь насаа алдсан байж болзошгүй байгаа гэнэ.