Яруу найрагч Ш.Дулмаагийн зээ охин олон улсын загварын тэмцээнд тэргүүлж байна

Ливан улсын Бейрут хотноо болж буй “Miss world next top model” тэмцээнд Монголоос загвар өмсөгч С.Сарнай оролцож буй юм. Энэ сарын 12-нд эхэлсэн тэмцээнд Ливан, Чех, Герман, Албани, Франц, Хятад, Украин, Итали тэргүүтэй 48 улсын гоо бүсгүй өрсөлдөж байна. Тэмцээний зохион байгуулагчид цахим хуудсаараа дамжуулан олны санал хурааж байгаа бөгөөд одоогоор С.Сарнай 443 саналтайгаар тэргүүлж явна. Тэмцээний ялагч энэ сарын 22-нд тодроно. Сонирхуулахад, Японд 12 жил загвар өмссөн С.Сарнай саяхан БНСУ-д болсон тэмцээнээс Азийн шилдэг загвар өмсөгчийн шагнал авсан. Монголын “Play boy” сэтгүүлийн анхны дугаарын нүүрийг чимсэн тэрбээр яруу найрагч Ш.Дулмаагийн зээ гэнэ.