Гольфчин Хаянаа шилдэг дөрөвт багтжээ

2014 оны гольфийн улсын аварга шалгаруулах тэмцээн наймдугаар сарын 7-10-ны өдрүүдэд Sky resort дахь "Mt.Bogd" гольфийн талбайд зохион байгуулагдлаа. 11 дэх удаагийн Улсын аварга шалгаруулах нээлттэй тэмцээнд эрэгтэй 60 тамирчин оролцсоноос “Номин талст” хамтлагийн дуучин А.Хаянхярваа шилдэг дөрөвт багтжээ.

Сүүлийн жилүүдэд гольфийн спортоор эрчимтэй хичээллэж буй А.Хаянхярваа энэ жилийн улсын аваргын медальд тун ойртлоо. Эрэгтэйчүүдийн төрөлд монгол, гадаадын 60 тамирчин оролцсоноос 43 тамирчин шигшээ тэмцээнд оролцох эрхийг авчээ. Эцсийн дүн гарахад Хаянаа тусгай байр буюу дөрөвдүгээр байрт шалгарсан байна. Ийнхүү мэргэжлийн тамирчнаас дутахааргүй тоглодог болсноо А.Хаянхярваа энэ жилийн улсын аваргад харууллаа.