Рок попын дива нар лааны тосон барималтай болов

Рок, попын хатад болох гавъяат жүжигчин Т.Ариунаа, Б.Сарантуяа нар лааны тосон барималтай болжээ.  Тэдний тосон баримлыг “Barx" студийн залуус бүтээжээ. Дэлхийн улс орнууд алдартай хүмүүсийнхээ төрхөөр лааны тосон баримал бүтээн түүнийгээ музейд хадгалдаг. Энэ дагуу манайхан ч улстөр, урлаг спортын мастеруудын баримлыг хийх болсон.  “Barx" студийн залуус лааны тосоор хийсэн баримал бүтээлээ ирэх наймдугаар сарын 5-нд олон нийтэд үзүүлэхээр төлөвлөжээ. Мөн цаашид олон алдартны хөргийг лааны тосоор бүтээхийг зорьж байгаа гэнэ.