Сайхан амьдрах амархан шүү дээ

МУГЖ И.Одончимэг, Т.Бархүү нарын хувийн амьдрал анхнаасаа л олны ярианы сэдэв болж байсан. Тэдний насны зөрүүтэй гэрлэлт нь ингэж олны анхаарлыг татаж, хов базахад хүргэсэн хэрэг. Харин энэ бүхэн жүжигчин Т.Бархүүд маш дарамттай санагддаг гэнэ. Хувийн амьдралыг нь өмнөөс нь зааж, зурж, таамаглаж, шар хэвлэлийн бай болгодогт тэрбээр сэтгэл дундуур байдаг аж. Жүжигчин Одончимэг анхнаасаа сайхан залуутай сууна хэмээн мөрөөддөг байжээ. Нэг л өдөр түүний мөрөөдөл биелэж сайхан залуугаа олсон хэмээн хуучилжээ. Тэрээр өмнө нь ямар азтай бүсгүй нь Бараатай суух бол хэмээн боддог байсан гэнэ шүү. Тэрээр мөрөөдлийнхөө хирээр хүн амьдардаг, мөрөөдөөд л бай гэж хэлэх дуртай.