СҮХБААТАР УГШЛЫН АЙРАГТ СОЁОЛОН

 “Соёолонгийн тоосонд даруулбал тэр жилдээ хийморьтой явдаг” гэсэн Монголчуудын омогшил бий. Нээрээ л хийморь, цог заль сэргэх шиг болдог нь ч үнэн шүү. Өнөө жилийн наадмын нэгэн сайхан хүлгийг та бүхэндээ танилцуулах гэсэн юм.

Өнөө жилийн наадмын хурдан Соёолонгийн уралдаанд 276 шандаст хүлэг уралдсан билээ. Та бүхний харж байгаа энэхүү Соёолон бол Ардын Хувьсгалын 93 жилийн ойд айргийн дөрөвт хурдлан ирсэн Сүхбаатар аймгийн угшилт Туваанжавын Гантөмөрийн Хүрэн Буурал Соёолон.

Аймаг, бүсийн наадмуудад удаа дараа хурдлан давхиж, хамгийн сүүлд Завхан аймагт болсон Бүсийн Даншиг наадамд гэхэд л гурваар орж ирсэн улсын алдарт уяач Т.Отгонбаярын уяа сойлгоор Соёолонгийн тоосыг өнгөлсөн Хүрэн Буурлыг харж нүд баясмуй.