Н.ЭНХБАЯР НААДМЫН ДАРАА МОНГОЛД ИРНЭ

МАХН-ын дарга Н.Энхбаяр наадмын дараа Монголд ирэхээр болжээ. Нэг жилийн хугацаанд хоригдож байгаад Ерөнхийлөгчийн уулчлалаар суллагдсан тэрээр БНСУ-д удаан хугацааны турш эмчлүүлж байгаа билээ. Тэрээр өнгөрсөн оны наймдугаар сард Солонгос руу явснаас хойш намынхан нь байнга эргэж тойрч байгаа.  Харин түүнийг наадмын өмнө хараахан ирж амжихгүй, түр хугацаагаар ирээд буцна гэж МАХН-ынхан  хэлж байна. Эмчилгээ амжилттай болж, бие нь сайжирсан ч гэсэн одоогийн байдлаар буцаж явах шаардлага байгаа бололтой. Арванхоёрдугаар сараас хойш түүнийг Монголд ирж, намынхаа Их хуралдайг хуралдуулж, улс төрд хүч үзнэ гэсэн мэдээлэл ч нэлээд түгээд байгаа юм.