Өлсгөлөн зарласан Г.Сарангэрэлийн хэрэг шүүхэд шилжлээ

Хар тамхины хэргээр хорих 461-р ангид саатуулагдаж байгаа Г.Сарангэрэлийн хэрэг шүүхийн шатанд шилжсэн байгаа аж. Түүнд 192.1 дүгээр зүйл ангиар эрүүгийн хэрэг үүсгэсэн юм байна. Уг зүйл анги Эрүүгийн хуулийн 17.1-т зааснаар хүндэвтэр гэмт хэргийн ангилалд ордог аж. Тэрбээр хоригдоод 4-5 сар болчихсон байгаа юм. Г.Сарангэрэл сэтгэл санааны хүнд дарамтад байгаа учир амиа хорлох гэж гар хуруугаа олон удаа зүссэн сорвитой болжээ. Мөн тэрбээр өлсгөлөн зарлах гэсэн боловч түүний хүсэлтийг хүлээж авахгүй байгаа аж. Учир нь Д.Амарсайхан агсан түүний хоригдож буй 461-р ангид хоригдож байгаад нас барсан учир одоогоор ямарч сэжигтэнийг өлсгөлөн зарлуулахгүй байгаа юм байна.