Хямралын үед хөшөөнөөс татгалзъя

Хууль зүйн дэд сайд Э.Эрдэнэжамьяан эдийн засгийн хүндрэлтэй үед шаардлагагүй зардлаа танах талаар цахим хуудаснаа санаачилга гаргасан нь олон нийтийн зүгээс талархал хүлээгээд байна. Тэрбээр “Одоо төсөв хүнд байгаа үед ядаж хөшөө барих гэх мэт ажлаа хойш нь тавьбал ямар вэ” хэмээгээд наймдугаар Богд Жавзандамба хутагтад зориулсан дурсгалын хөшөөний загварын уралдааны удирдамжийг зургаар оруулсан байна.

Нийслэлийн Засаг даргын Тамгын газар, Нийслэлийн ерөнхий төлөвлөгөөний газрын зохион байгуулж буй уг ажил нь түүхэн ач холбогдолтой байж болох ч хэрэгжүүлэх цаг хугацааны хувьд үнэхээр тохиромжгүй, хойшлуулж болох зардлын нэг гэж цөөнгүй хүмүүс үзэж байгаа гэнэ.   Хямралын үед төсвийн зардлыг танах санал санаачлагыг ийнхүү улс төрчид, төрийн албаныхан гаргасаар. Гагцхүү тэр санал санаачлагыг дэмжицгээх ажил хэрэг болгох нь үлдээд байна.