Дэлхийн хамгийн урт пенистэй эр музейн үзмэр болно

Нью-Йоркийн жүжигчин, шоу менежер Жон Фэлкон дэлхийн хамгийн урт “эрхтэнтэй” эр хэмээн тооцогддог ба өөрийн аварга эрхтнээ Исландын фаллологийн музейд /(The Icelandic Phallological Museum) гэрээслэн үлдээхээр болжээ.

Түүнийг нас барсны дараа биеийнх нь хамгийн гайхамшигтай хэсэг тус шинжлэх ухаан, танин мэдэхүйн байгууллагын гол үзмэр болох аж .

 43 настай Фэлконы бэлэг эрхтний урт нь 34,2 см бөгөөд түүний энэхүү аварга биет тус музейн хаа нэгтээ, “туйлын цагаан баавгай, далайн хирс гэх мэт аварга биетүүдийн пенистэй зэрэгцэн”, бүх нийтийн сонирхлын хүртээл болох юм.

1999 онд стандарт бус, ер бусын эрхтнүүдийн тухай баримтат кино гарснаас хойш Жон Фэлкон ихэд алдартай болсон бөгөөд дараа нь “Их хотын секс” мэтийн хэд хэдэн кинонд зураг авахуулсан байна. Түүнийг порно од болгох санал их ирж байсан боловч татгалздаг байсан гэнэ. Харин эрхтнээ музейд тавьж, “алдраа” мөнхлөхөөс татгалзаагүй аж.

Өнгөрсөн онд тэрээр өөрийн аварга эрхтний тухай It”s too big! /Тэр дэндүү том!/ хэмээх хошин зохиомжийг бичсэнийг сонирхуулья.