“Баас баригч” О.Баасанхүү

Хууль зүйн сайдыг огцруулах асуудлыг өргөн баригч О.Баасанхүүг улс төрийн хүрээнийхэн ингэж нэрлэж байна. Х.Тэмүүжин сайд өөрөө О.Баасанхүүг “нумаа нуугаад тавьсан сум” гэж соёлтой жиргэсэн бол харин монголчууд ийм үйлдлийг баас базагч хэмээн эртнээс тохирох сайхан үгээр нь нэрлэж иржээ. Салбараа удирдаж чадахгүй байна, ёс зүйн алдаа гаргасан гэх мэт шалтаг хэлж, цагдаагийнхны бэлтгэсэн мэдээлэл барин гүйхдээ энэ хуульч ямар хүний гар хөл болоод байгаагаа ухаарахгүй байгаа нь харамсалтай. Монголын улс төр үеийн үед баас баригчдаар дутаж байгаагүйг түүх харуулдаг. Харин тэд нэг удаагийнх байдаг нь л яамай.