Ц.Жадамбаа “шоовдорлогдов”

Бүтээн байгуулалтын цаг уулзалт өнөөдөр 15.00 цагт товлогдож, Мэдээллийн Технологи, Шуудан харилцаа холбооны газрын дарга Ц.Жадамбаа энэ онд хийх ажлаа тайлагнахаар болж, өглөөнөөс эхлэн сүр, сүр зар явуулаад байсан ч Төрийн ордонд өрөө олдохгүйгээс арга хэмжээгээ цуцалжээ. 

Бүтээн байгуулалтын цаг хойшлогдсон гэхээс өөр тоймтой хариуг хэлэх хүн үгүй байна. УИХ-ын хаврын чуулганы нээлт өнөөдөр болж, Төрийн ордны гол танхимуудад УИХ дахь МАН-ын бүлэг, УИХ дахь Ардчилсан намын бүлэг тус бүр хуралдсан тул МТШХХГ-ын дарга “шоовдорлогдож” ийн өрөөгүй болсон юм. 

Уг нь Төрийн ордны дөрвөн давхарт Нутгийн удирдлагын танхим гэж авсаархан өрөө бий. Гэвч дээрх өрөөнд Ц.Жадамбаа дарга багтахгүй л байсан юм байхдаа гэж...