Ардын жүжигчин Хайдав гуайн хүү Сэргэлэн амьд гэдгийг хэлжээ

Эх орныг минь зорин, хойд хөршөөс хүлгийн жолоо залсан алдарт зөн билэгч Елена Голунавагийн айлчлал хэдэн өдрийн өмнө өндөрлөсөн билээ. Оросдоо төдийлөн олдоод байдаггүй энэ алдартай зөн билэгчийг”Оюунлаг язгууртан” ТББ урин авчирсан юм. Түүнтэй уулзах хүсэлтэй маш олон хүмүүсийн хүслийг биелүүлж, Елена маш завгүй 3 хоногийг эх оронд минь өнгөрүүлсэн юм. Түүний айлчлалын хамгийн оргил хэсэг Ардын жүжигчин Хайдав гуайтай уулзсан хэсэг байсан юм. 80 гарсан ч ануухан харагдах хайдав гуай зөнч Елена Голуноватай Оросоор төвөггүйхэн ойлголцож байсан. Хамгийн сайхан мэдээ нь сураггүй алга болсон Хайдав гуайн хүү Сэргэлэнг амьд хэмээн зөнч маань зөгнөж, Хайдав гуайд амьдрах итгэл бэлэглэсэн юм.