О.Магнай vs Д.Дагвадорж

Шударга өрсөлдөөн хэрэглэгчийн төлөө газраас Циркийг зориулалтаар нь ашиглахгүй, түрээслүүлж байна хэмээн буцааж авах талаархи шаардлагыг “Аса” циркийн удирдлагад хүргүүлжээ. “Аса” циркийг зориулалтаар нь ашиглахгүй байгаа учраас хэрэв зориулалтаар нь ашиглахгүй бол циркийн барилгыг улсын өмчид буцаан авна хэмээн О.Магнай дарга айлдаад буй. 

“Аса” циркийг сумогийн 68 дахь их аварга Д.Дагвардорж зодог тайлж ирснийхээ дараа худалдаж авсан. Түүнээс хойш циркийг циркээр нь ашиглахгүй, түрээслэх, өөр зориулалтаар ашиглаж байгаа хэмээн ШӨХТГ үзсэн. Мөн Д.Дагвагдорж аваргад сануулга өгсөн бөгөөд хэрэв шаардлагыг нь биелүүлэхгүй бол циркийн барилгыг улсын өмч болгоно хэмээн “сүрдүүлээд” авсан. Энэ асуудал хэрхэн шийдвэрлэгдэж, тэмцэгч О.Магнай дарга, их аварга хоёрын хэн нь “ялах” нь тодорхой бус байна. Харин олон хүн циркийг зориулалтаар нь ашиглахыг дэмжээд байгаа гэсэн шүү.