Амраа Холливудын кинонд

Монгол уран бүтээлч анх удаа Холливудын босгыг алхаж байгаа бололтой. Соёлын тэргүүний ажилтан, жүжигчин Амраа буюу Б.Амарсайхан “Нэтфликс” компаний санхүүжилтээр бүтэх “Марко поло” кинонд Арга бөхийн дүрд тоглох гэж буй талаар өчигдрөөс хойш онлайн мэдээллийн хэрэгслээр мэдээлж байна.

Тус “Марко Поло” уран бүтээлийн найруулагчаар Жоачим Роннинг, Эспен Сэндберг нар ажиллаж байгаа бөгөөд тэд “Карибын далайн дээрэмчид” гэх уран бүтээлийн тав дахь цуврaлыг хийж байгаа аж. Харин “Марко Поло” бүтээлийн зохиолчоор Холливудын олон алдартай киноны зохиолыг бичсэн Жон Фуско ажилласан байна. Жүжигчин Амраа өнгөрсөн удаад хэд хэдэн сонгон шалгаруулалтанд оролцон тэнцэж, гэрээгээр ажиллах болсон тухай мэдээлэл ч байгаа.