Хятад эрх мэдэлтнүүдээ шалгаж эхэллээ
Хятадын мөрдөн шалгах албаныхан өнгөрсөн арваннэгдүгээр сараас энэ нэгдүгээр сарыг хүртэлх хугацаанд Коммунист намын 37 мянга орчим эрх мэдэлтнийг авлигын хэрэгт сэжиглэн шалгажээ. Хятадын прокуророос авлигын хэрэгт сэжиглэгдсэн албан тушаалтнуудын эсрэг 27236 хавтаст хэрэг нээн, мөрдөн шалгаснаас 12824 нь 5.51 тэрбум юанийн хэрэгт холбогдолтой болох нь тогтоогдсон байна. Үүний зэрэгцээ Хятадын Ардын дээд прокурорын газрын ерөнхий прокурор Цао Жянь Миний өнгөрсөн аравдугаар сард парламентад танилцуулснаас харвал 2008 оноос өнгөрсөн наймдугаар сарыг хүртэлх хугацаанд 200 мянга гаруй хүн авлига болон эрх мэдлээ хэтрүүлэн ашигласан хэрэгт сэжиглэгдэн шалгагдсан байна. Ийнхүү Хятадын төр, засгийн дээд албан тушаалтнуудын авлигын хэрэг ээлж дараалан илэрч буй нь шинэ дарга Си Жинпиний амлалтаа биелүүлж эхэлсний тод жишээ гэж Синьхуа агентлаг мэдээлэв. Си Жинпин Хятадын шинэ даргаар сонгогдсоныхоо дараа Коммунист намын албан тушаалтнуудын тансаглал, үргүй зардал гаргахыг багасгаж, авилгатай хатуу гараар тэмцэхээ мэдэгдэж байсан билээ.
Улсын хилээр мансууруулах эм, сэтгэцэд нөлөөт бодис нэвтрүүлсэн хэргийг шүүхээр шийдвэрлүүллээ
Цагдаагийн байгууллагын 102 тусгай дугаарт өчигдөр 2198 дуудлага, мэдээлэл бүртгэгджээ
Ерөнхий сайд Н.Учрал олимпиадын хүрээнд гарсан зардлыг шийдвэрлэж өгөхөөр боллоо
Б.Пүрэвдагва: "Сэлбэ" төслийг амжилттай хэрэгжүүлж, энэ жишгээр гэр хорооллыг орон сууцжуулна
“Өдөрт 2-3 удаа зодохгүй бол нойр хүрэхгүй” хэмээн ярьсан бичлэгт гарсан хоёр хүүхдийг хамгаалалтад авчээ
Б.Пүрэвдагва НҮБ-ын Суурин зохицуулагч Ян ван Хиердэнтэй уулзлаа
“Нүүдэлчин” дэлхийн соёлын фестивал наймдугаар сарын 21-23-нд болно