“Киви”-гийн Ука дүүгийнхээ хүүхдийг маш сайн асардаг

Дуучин Укаг “Ширүүн зантай, хатуу дэгтэй багшийнхаа үгэнд орж, өдийг хүртэл нөхөрт гарахгүй, ганцаараа яваа” гэж хүмүүс ярьдаг. Тэгвэл “Киви” хамтлагийн ахлагч бүсгүй ээж болох бэлтгэлээ хангаж эхэлсэн бололтой.

Тэрбээр дүү Т.Уранзаяагийнхаа хүүг тун ч сайн асардаг гэнэ. Т.Уранзаяа  “Миний хүүтэй үргэлж ярьж эрхлүүлж, үнсэж тэвэрч зургийг нь дарж, саатуулж, өмөөрч, хайрлаж, хүргэж өгч авч, салхилуулж, баярлуулж, баясгаж, усанд оруулж, наранд хэвтүүлж, инээлгэж, сүүг нь өгч, памперсийг нь сольж, бэлэг авч өгч, "Битгий уйл л даа” гэж хэлж, бас намайг өдий зэрэгт хүргэж өгсөн эгчдээ маш их баярлалаа.

Та бол хамгийн сайн нагац эгч. Өөртөө байгаа бүхий л зүйлээрээ бусдыг баярлуулж, бусдад тусалж зөвлөдөг, бүх зүйлд сэтгэлээсээ хандаж, дотроос нь гэрэл цацардаг тэр сайхан эмэгтэйг Ука гэдэг. Эгчийг минь Ука гэж дуудаарай, хайртай шүү” хэмээн цахим хуудсандаа бичжээ.

Эх сурвалж: Mnews