Найз залуудаа зодуулсан охины шүүх эмнэлгийн дүгнэлт гарчээ

Найз залуудаа зодуулж, амиа алдсан гэх 21 настай эмэгтэйн  цогцост хийсэн  шүүх эмнэлгийн дүгнэлт  өчигдөр гарчээ. Гэхдээ чухам ямар дүгнэлт гарсан талаарх мэдээлэл тодорхойгүй байна. Албан бус эх сурвалж  талийгаачийг  олон өдөр зодуулсны улмаас бус архаг хууч өвчин нь сэдэрсний улмаас амиа алдсан гэх дүгнэлт гарсан талаар мэдээлэв. Гэхдээ талийгаачийн ар гэрийнхэн талийгаачийг өөрийн найз залуу болох Г.Алтанхүүд зодуулснаас амиа алдсан талаарх баримт нотолгоо хангалттай байгаа гэдгийг хэлж байгаа юм.

Энэ хэрэгт стратегийн өмгөөлөл үзүүлж байгаа Хүний эрхийн хуульч М.Ичинноров болон талийгаачийн ар гэрийнхэн маргааш 11.00 цагт “Монгол ньюс” мэдээллийн төвд хэвлэлийн хурал зарлажээ. Энэ үеэр  шүүх эмнэлгийн дүгнэлтийн талаар тодорхой мэдээлэх юм байна.