ДЭД САЙД АМАРСАНААГИЙН БАС НЭГЭН “ӨӨДГҮЙРЭЛ”

Саяхан л “телевизийн шууд ярилцлаганд согтуу орлоо” хэмээн хэл ам дагуулж явсан Эрүүл Мэндийн Дэд Сайд Ж.Амарсанаагийн талаарх бас нэгэн шуугиан чих дэлслээ. 

2008 оноос Хаппи Веритас Элэгний Төв Лабораторийн Ерөнхий захирал, Интерферон Альфа эмнэлгийн Ерөнхий захирлаар ажиллаж байсан тэрээр өөрийнх нь хувийн эмнэлэгт хандан ирсэн өвчтөнүүдэд буруу онош тавьж, өөрийн зардаг үнэтэй “интерферон” хэмээх элэгний эмийг олон өвчтөнд “шахсан” учраас ихэнх нь Солонгос улсыг зориод байгаа юм байна.

Ж.Амарсанаа эмчээр оношлуулснаасаа, эмчлүүлснээсээ болж хохирсон олон энгийн иргэд манай сайтад хандсан бөгөөд тэдгээр хохирогсод дунд Монголын томоохон компаний ерөнхий захирал ч байгаа.

“Ж.Амарсанаа эмчид хандсанаас, наана нь Солонгос улс руу шууд эмчилгээнд явсан бол арай ч ийм дээрээ тулахгүй байлаа” гэх хүмүүс ч тэдний дунд олон байсан юм. Анхнаас нь зөв оношлоод, үнэтэй тариагаа “шахах” гээгүй бол элэг шилжүүлэхн суулгах дээрээ хүртлээ хохирохгүй, орон гэр, хашаа байшин, байр сууцаа ч зараад Солонгос улсыг зорих иргэдийн тоо бага байх байсан биз. Тус улсад элэг шилжүүлэн суулгахад мэс заслын зардал нь 200 орчим сая төгрөгөөс гадна донор олох хэрэгтэй болдог байна.

Эмч хүн “энэ хүнийг хохирооё, улам муудуулъя, үхүүлье” гэж эмчлэхгүй нь ойлгомжтой. Гэвч эмч хүн төдийгүй ямар ч хүнд ажлын хариуцлага, хүн чанар гэж зүйл заавал байх ёстой.

Яаж яваад ч Дэд Сайд хүртлээ дэвшсэн юм? Шударга ёс гэж байна уу Монголд?