Монголын толгой баячуудын нэг Т.Энхболдсодон Төв аймгийн Цагдан хорих ангид хоригдож байна

Маш хөрөнгөлөг хэрнээ маш нууцлаг байдаг “Чоно” группын Ерөнхийлөгч Т.Энхболдсодонг баривчилсан талаар цаг алдалгүй мэдээлсээр байгаа билээ. Түүнийг АТГ-ыхан монголын нэр бүхий улс төрчийг ивээн тэтгэх нэрийдлээр мөнгө угаах гэж байсан байж болзошгүй хэмээн шалгаж байгаа. Энэ талаар “Т.Энхболдсодонг бусдад их хэмжээний хахууль өгсөн, авсан байж болзошгүй гэх авлигын хэрэгт сэжигтнээр татан шалгаж байна. Өнгөрсөн пүрэв гаригт түүнийг баривчлан, одоогоор Төв аймгийн Цагдан хорих ангид саатуулж байгаа. Байцаалт авч эхлээгүй байна” гэсэн байна.