Жаргах цагтаа дуугаар нь бид хөглөгддөг мөртлөө, зовох цагт нь орхих ёсгүй

Дуучин Ариунаа энэ нэрийг сонссон хэн бүхэнд гал шиг бадарсан эрч хүч ханхлуулсан бүсгүй хүн санагдаг биз ээ. Урлагийн тогоонд 20-иод жил зүтгэхдээ тэрээр хэзээ ч ард түмнээ ая дуугаар дутаагаагүй. Үргэлж шинийг эрэлхийлж, тэр манлайлагч байсан. Хүний амьдрал тэгш дардан байдаггүй болохоор түүний хувийн амьдралд томоохон зовлон нүүрлээд байгаа. 17 жил хамт амьдарсан хань нь хилс хэрэгт гүтггэгдэж, хүйтэн торны цаана суугаа учир Ариунаа нэг ч өдөр дэрээ норголгүй хоносонгүй. Нөхөр нь өргөст торны цаана суулаа гээд хайртай дуучинаа бид үл тоох биш, харин ч урмын үг хайрлаж, түүнийг ирлэж өгөх хэрэгтэй.