Т-Ara, Seeya, Davichi өнөөдөр Монголд ирнэ

Дэлхийд танигдсан Т-Ara болон Seeya, Davichi хамтлагууд өнөөдөр 22.30 цагт Чингис хаан Олон улсын нисэх онгоцны буудалд буух гэж байна. Уржигдар залуусынSpeed хамтлагийнхан Монголд ирсэн бол охидын хамтлагууд нь ийнхүү өнөөдөр Монгол Улсад хөл тавихаар болсон нь олон мянган фенүүдийг нь ихээр баярлуулж буй биз ээ.

Дэлхийд танигдсан Солонгосын К-поп хамтлагууд маргааш өглөө буюу 20-ны 11 цагт Чингис зочид буудалд хэвлэлийн хурлаа хийх бөгөөд энэ үеэр хэвлэлийнхэн чөлөөтэй ярилцлага өрнүүлж болох нь ээ.

Сониноос Speed хамтлагийнхан өчигдөр нийслэлийн 23 дугаар дунд сургуулиар зочилж, мөн Улсын их дэлгүүрийн бэлэг дурсгалын тасагт нэлээд цагийг өнгөрүүлсэн гэнэ шүү. Гэрийнхэндээ, найз охиндоо гээд л Монголыг илтгэсэн бэлэг дурсгалын зүйлс худалдаж авсан тэд ихэд сэтгэл хангалуун байцгаасан юм. Хаа явсан газар нь манай охид, залуус зургийг нь дарж, гарын үсгийг нь авч байснаас үзэхэд Speed хамтлагийнхан аргагүй л манайхны хүсэн хүлээж байсан хамтлаг бололтой.