“Mongolian beauty-2013”-ын шилдгүүд тодорлоо

Аливаа тэмцээн уралдаанд шүүгчид гол үүрэг гүйцэтгэдэг. Энэ удаагийн “Mongolian beauty-2013” тэмцээнийг “Шилмэл загвар” агентлагийн  дизайнер Ж.Цэлмэг, Д.Батжаргал, “Сhance” агентлагийн захирал Л.Нарантуяа, “Мисс Монголия -2008 тэмцээний тэргүүн мисс О.Хулангоо, Азийн супер модель, мисс Т.Батцэцэг, Азийн супер модель Т.Туяамаа, зурагчин Б.Мөнх-Эрдэнэ нар шүүсэн юм.

Оролцогч моделиудад олон улсын тэмцээнд тавигддаг зураг авалт, алхаа гишгээ, илтгэх уран чадвар, хэлний мэдлэг зэрэг олон шалгуур тавьсан бөгөөд сүүлийн шатанд тэнцсэн 17 өрсөлдөгчөөс шалгарсан нь "Аsian super model contest", "Miss tourism Queen of the year  international", "Miss tourism international", "Miss  earth", "Miss Asia pacific World"  тэмцээнүүдэд оролцох эрхтэй боллоо. Тэмцээний шилдгийн шилдэг Гран пригийн эзнээр  Г.Мөнгөнцэцэг  тодорсон бол  дэд байрт  Л.Халиунаа нар шалгарч "Аsian super model contest” тэмцээнд эх орноо төлөөлж оролцох эрхтэй боллоо. Харин гуравдугаар байрт Ө.Номин-Эрдэнэ, дөрөвдүгээр байрт О.Мөнгөнсарнай, тавдугаар байрт О.Дөлгөөн, тусгай байрт Э.Билэгжаргал, Г.Мандухай нар шалгарсан юм.