“Камертон”-ны залуус бие биенээ үнэхээр санажээ

Монголын дуу хөгжмийн ертөнцөд тэсрэлт хийж, үеийн охид залуусыг байлдан дагуулж чадсан хамтлаг бол “Камертон” билээ. Тус хамтлагийн 18 насны төрсөн өдрийн баяр саяхан болж өнгөрсөн. Энэхүү төрсөн өдрийнхөө баярыг тэд “Камертон 2” шоу төслийн шилдэг оролцогчидтой хамтран шилдгийн шилдэг уран бүтээлүүдээрээ үе үеийн үнэнч шүтэн бишрэгчдэдээ бэлэг барьж байсан үе саяхан. Тэгвэл тоглолтоосоо хойш нам гүмхэн байсан залуус, хамтлагийн ахлагчийнхаа тоглолтон дээр цугларч бие биенээ ихэд санасан сэтгэлээ тайлжээ. Өдгөө 2,3 хүүхэдтэй аавууд аль хэдийнээ болсон ч аль дээрийн 18 настай хөвгүүд шиг бие биенээ санагалзах найзуудын тэврэлт халуун байлаа.