Нялх үрээ гурван давхраас хогийн цэг рүү шидсэн аймшигт хэрэг гарав

Баянгол дүүргийн XV хорооны нутаг дэвсгэр Эх хүүхдийн эрүүл мэндийн үндэсний төвийн дэргэдэх 12 давхар байрны гурван давхараас төрөөд гуравхан хоносон хүүхдээ тус байрны хогийн цэг рүү шидсэн аймшигт хэрэг өчигдөр 12.00 цагийн үед гарчээ. Байрны оршин суугч эмэгтэй гэрлүүгээ ороход орцонд хүүхдээ тэвэрсэн эмэгтэй зөрсөн байна. Удалгүй гэртээ ороход гэнэт хогийн цэгт нь юм шидэх чимээ гарсан гэнэ. Цонхоороо хартал орцонд хүүхдээ тэврээд зогсож байсан эмэгтэй хар хурдаараа гүйж байжээ. Сэжиг авсан эмэгтэй болсон явдлын талаар цагдаагийн байгууллагад мэдэгджээ. Азаар хүүхэд амьд үлджээ. Энэ хэргийг Баянгол дүүргийн цагдаагийн хэлтэст шалгаж байна. Хүүгээ өндрөөс шидсэн ээжийг саатуулсан эсэх нь тодорхойгүй байгаа юм. Бид энэ хэргийн талаар эргэн мэдээлэх болно.