Топ Урнаад тоогдсон залуу

Загварынхан дундаа хамгийн зөв төрхтэйд тооцогддог топ модель Уранцэцэгийн хараанд өртөж “Торго” агентлагт харьяалагдаж яваа энэ залууг Э.Мөнх-Эрдэнэ гэдэг. Өдгөө арван жилийн сургуулийн сурагч тэрээр чадварлаг моделиудаар өөрсдийн өнгө төрхийг тодорхойлдог “Говь” кашмерын нүүр царай болон фото моделиэр ажилладаг.  Түүгээр ч барахгүй загварын ертөнцөд цэл залуухнаараа хөл тавьсан Э.Мөнх-Эрдэнэ Монголын хөлбөмбөгийн үндэсний шигшээ багийн тамирчин гэнэ лээ. УАШТ болоод өсвөрийн аварга шалгаруулах тэмцээнээс дөрвөн ч удаа шилдэг тоглогчоор шалгарч байсан тэрээр тэсвэр тэвчээр шалгасан энэ спортоор хичээллээд тавхан жил болж байгаа ч хамгийн өсөх ирээдүйтэй тамирчинаар тодорсон авьяаслаг залуу. Харин нуруу туруу, нүд хөмсөг гээд олны харц булаасан залуу 23-р сургуулийн Солонгос хэлний гүнзгийрүүлсэн сургалттай 11-р ангид сурдаг аж.