Дөнгөж төрсөн хүүхдээ алахаар завдаж,бохирын хоолойруу хийжээ

Манай өмнөд хөршид бас нэгэн аймшигтай үйл явдал дахих гарлаа. Энэ нь нярай хүүхдийг бохрын шугаманд хийсэн явдал юм. Хүмүүсийн таамаглаж байгаагаар бол нэгэн хятад хүсээгүй хүүхдээсээ салахын тулд түүнийг бохирын хоолой руу хийсэн байх магадлалтай гэнэ. Дөрвөн давхар байрны ойр хавиас хүүхдийн уйлах дуу гарахыг оршин суугчид нь сонсчээ.

Ингээд аврах албаныхныг дуудсан байна. тэд хүүхдийн уйлах чимээг дагаж явсаар бохирын хоолой байдаг хэсэгт ирж нярайн гацсан хэсгийг тайран авч, тэрхүү хэсгээс гаргахад хүндрэлтэй байсан учраас эмнэлэгт хүргэж эмч нарын тусламжтайгаар хүүг гарган авчээ.

Одоогоор хүүгийн эрүүл мэндийн байдал сайн байгаа бөгөөд хүүг аварсан аврагчид түүний эцэг эхийг тогтоохоор ажиллаж байгаа гэнэ.