Залуу жүжигчин Шүүдэрцэцэг: Өөрийнхөө энэ биеэр ихийг бүтээнэ

“Хайрлаж болох уу”,  “Валентины захидал”,  “9009”, “Би эмэгтэй хүн” зэрэг кинонуудад тоглож, чамгүй жүжигчин болохоо харуулсан мисс, загвар өмсөгч Д.Шүүдэрцэцэг хамгийн сүүлд “Ану хатан” түүхэн кинонд дүрээ мөнхлөөд байгаа.

Тэрээр фэйсбүүк хуудсаа идэвхтэй хөтөлдөг бөгөөд лайканд нугасгүй Шүүдэрцэцэг гэгдэх болсон. Тэрээр янз бүрийн зураг тавьж, комментоор хэрүүл үүсгэх хоббитой гэхэд болно. Мэдээж хүн болсон хойно зургийг хараад өөрт төрсөн сэтгэгдлээ хуваалцах юун буруу байх билээ. Тэрээр “Гэнэтийн бэлэг” романтик жүжгийнхээ үеэр авахуулсан цээж нүцгэн зургаа цахим хуудсандаа тавьж “Гэнэтийн бэлгээр зочлоод гараарай” хэмээн жүжгээ эсвэл өөрийгөө рекламдсан нь мэдэгдэхгүй зураг тавьж орхисон. Үүнийг нь хүмүүс цэвэр ичимтгий монгол бүсгүй хаачив хэмээн багагүй шүүмжилж сэтгэгдлээ бичсэн ч залуу жүжигчин маань “ Хэрвээ гадаад бүсгүй байсан бол манайхан яаж шагшиж магтаж, дуу алдацгааж байгаа бол” гэсэн байдаг. Д.Шүүдэрцэцэг өөрийгөө дуу алдахаар сайхан бүсгүй гэдэгтээ итгэлтэй бололтой. Өөрийн бодол өөртөө зөв. Гэвч жүжгээ олон хүнийг үзүүлэх гэж цээж нүцгэлэн зургаа тавих нь бас л дорой ухамсар юм даа. Бас үүнийгээ батлах гэсэн мэт нэгэн зургаа тавихдаа “Би өөрийнхөө энэ биеэр ихийг хийнэ” хэмээн постолж байсан. Энэ нь мөн л залуусын дургүйг хүргээд авсан. Энэ мэтчилэн хамар, гадаад төрх, зан аашийн талаар маргаан тэнд дүүрэн. Ямартай ч “Өөрийнхөө эзэмшлийн фэйсбүүк дээр ямар зураг тавих нь миний эрх” гэх тэрээр “хэрүүлч” гэдэг хоч зүүгээд амжсан.