Сиричүүдийн эд эрхтэнээр наймаалцаж байна

Хууль бусаар эд эрхтэн шилжүүлэн суулгагчид мөнгө олох тун сайн арга олсон бололтой. Тэр арабын ертөнцийн үймээн самууныг ашиглан донор болгож байна. Зарим нэг нь алан хядагчидтай хамтран ажиллаж, шархадсан, амиа алдсан хүмүүсийн эд эрхтэнээр наймаалцдаг гэнэ.

Хамгийн эрэлт хэрэгцээ өндөртэйд бөөр, элэгний наймаа ордог бөгөөд Сирийн хойд хэсгийн хот, тосгодод энэ нь хамгийн түгээмэл тохиолддог байна. Эдгээр үнэт эрхтнүүдийг Америк, Франц, Туркын эмнэлгүүд “захиалж, нийлүүлдэг” гэсэн дам яриа байгаа аж. “Би өөрийн биеэр гурван сири хүнийг эмчилж байсан.

Тэдний биеийн байдал их муу ирсэн. Яагаад гэвэл тэдний бөөрийг хэн нэгэн огтлоод авчихсан байсан” хэмээн Туркын эмч Баракат Карес ярьж байна. Нутгийн оршин суугчид одоо айдас дунд аж төрж байна. Зэвсэглэсэн бүлэглэлүүд шууд л гудамжинд яваа хүмүүсийг хулгайлан хөнөөж, дараа нь тэднийг “хар” хүний эд эрхтэн шилжүүлэн суулгагчдад зардаг байна. Дээрэмчид нэг цогцсыг 200 доллар, харин шархтай хүмүүсийг 2-3 мянган доллараар зардаг байна. 

Эх сурвалж: tvmongolia.mn