“Stella” бааранд хэн ч, юу ч нөлөөлөхгүй

Нийслэлийн Иргэдийн Төлөөлөгчдийн Хурлын Тэргүүлэгчдээс хүнсний худалдаа эрхэлдэг аж ахуйн нэгж 08.00- 24.00, зоогийн газар 07.00- 24.00, баар 15.00-24.00, кафе 10.00-22.00 цаг хүртэл ажиллаж байх тогтоолыг гаргаад багагүй хугацаа болсон. Гэвч үнэн хэрэгтээ энэхүү тогтоол шөнийн цэнгээний газруудын хувьд тэгш бус үйлчлэн, зарим “дархлагдсан” газрууд бараг өглөөний нар мандтал ажиллаж байгааг мэдэхгүй хүн үгүй. Улаанбаатарт хууль хэрхэн зөрчиж болдгийг яруу тодоор харуулсан нэгэн тод жишээ бол “Stella” шөнийн цэнгээний газар. Ардаа “том” хүнтэй гэсэн шиг гадаадын илч төлөөлөгч ирсэн өдрүүдэд хүртэл ажиллаж байсан юм. Хөл хорио тогтоогоод байсан энэ өдрүүдэд  цагдаагийн ажилтнууд хаагуур нь тойроод байсан нь хачирхалтай. Үнэхээр үүнээс харахад Монголын хууль алагчлан үйлчилдгийн тод жишээ биз ээ.