Эх орноороо гоёдог В.Тулгат

Тархины хорт хавдраар хоёр ч удаа үхэлтэй нүүр тулж явсан Tulgat өдгөө “Ази Eminem” хэмээн нэрлэгдэх болоод байгаа. “MTV Video Music Awards”-н After party дээр эх орныхоо нэрийг гаргаж байсан тэрээр "Би 19 настайдаа хоёр удаа хорт хавдрыг давж чадсан азтан. Харин энэ боломж надад ихийг заасан..." хэмээн ярьсан сэтгэлийн тэнхээтэй, авъяаслаг залуу.  Амьдралын үнэ цэнийг мэдэрсэн В.Тулгат үүнийгээ ч бусадтай хуваалцах зорилготойгоор уран бүтээл туурвидаг. Түүний амьдралыг сэдэвлэсэн “Маргаашгүй” кино олон залуусын хүртээл болж байсан. Өдгөө хорт хавдар нь бүрэн эмчлэгдсэн бөгөөд Монголынхоо нэрийг дэлхий дахинаа дуурсгах том зорилго нь удахгүй биелэх биз ээ.