Бостонд халдлага үйлдсэн гэмт этгээдийг баривчилжээ

Бостоны марофон гүйлтийн үеэр гарсан халдлаганд гэм буруутай этгээдийг өчигдөр орой буюу 19-нээс 20-нд шилжих шөнө Бостоны ойролцоох Watertown хотын захад орших нэгэн хувийн байшингийн арын цэцэрлэгт нуугдсан байхад нь цагдаа нар баривчилжээ.  Цагдаа нарын мэдээлснээр тус халдлагыг  19 настай Зокар Тарнаев өөрийн төрсөн ах Тамерлан Тарнаевийн  үйлдсэн ч тэднийг гэм буруутай гэх албан ёсны мэдэгдлийг албаныхан одоогоор хараахан хийгээгүй байгаа юм байна. Хэрэгтнүүд мөн пүрэв гаригт Массачусетсийн технологийн хүрээлэнгийн кампуст буудуулан амиа алдсан офицерийн үхэлд буруутгагдаж байгаа бөгөөд өчигдөр өглөө цагдаа нараас зугтаж явах үедээ ах Тамерлан Тарнаев  нь  нас баржээ.

Гэмт этгээдийг баривчлах ажиллагааны явцыг Бостон хотын цагдаагийн газраас болон бусад албаны хүмүүс цаг тухай бүрт эх сурвалжуудад мэдээлж байсан хэмээн СNN дурьджээ. Гэмт этгээд Зокар Тарнаев баривчлагдах үедээ хүзүү болон хөлөндөө маш хүнд шарх авсаны улмаас одоогоор Бостоны Массачустс хотын эмнэлэгт хүргээд байгаа юм байна. Энэ үеэр мөн олон мянган хүний амь насанд аймшигт аюул занал учруулсан гэмт этгээдүүдийг баривчилсан нь үнэхээр сайн хэрэг болсон талаар иргэд олон нийтийн сүлжээ сайтуудаар өөрсдийн санаа бодлыг хуваалцсаар байгаа аж. 

Түүнчлэн гэмт этгээдүүдийг түргэн хугацаанд олж илрүүлсэн цагдаагийн ажилтнуудыг сенатор Жон Маккейн болон албаны хүмүүс сайшаасан талаар эх сурвалжууд онцолжээ.