СХД-ийн тойргийн хорооныхон тамгаа аваад зугтжээ

Сонгинохайрхан дүүргийн 26-р тойргийн хороо удаан хуралдсаны эцэст шийдвэрээ гаргаж МАН-аас нэр дэвшигч Д.Сумъяабазарт УИХ-ын гишүүний түр үнэмлэхийг нь гардуулсан юм. Тэгвэл түр үнэмлэх гардуулсан ч тогтоолийг нь гаргаагүй байна.

УИХ-ын 26-р тойргийн хороо Д.Сумъяабазарт түр үнэмлэхийг нь олгосон ч тогтоол гаргаагүй бөгөөд тойргийн хороонийхон нь тамгаа аваад алга болсон учраас тогтоол гаргах боломжгүй болсон гэх мэдээлэл ч байна. Яг одоо 26-р тойргийн хорооны гадаа цагдаа нарын хамгаалалт гарсан бөгөөд хэсэг бүлэг хүмүүс цуглан маргаан дэгдээгээд байгаа аж.