”Масктай матар” Х.Түмэнбаяр АТГ болон Улсын мөрдөн байцаах газраар гүйдэлтэй боллоо

“1990-ээд оны үед ноёлож байсан улстөрийн замбараагүй байдал нийгмийн дээд давхаргад янз бүрийн зальхай амьтдыг гаргаж ирсэн. Гэвч нийгэм өөрөө тэднийг эргүүлээд залгисан” гэх хатуу бөгөөд үнэн үгийг ОХУ-ын улстөр судлаач Федор Лукьяновын хэлсэн байдаг юм. Энэ үг манай улсад, тэр тусмаа хуулийн цоорхойгоор хуруугаа оруулж, аливаа зүйлийг хийж бүтээхдээ зөвхөн өөрийнхөө эрх ашгийг урд нь тавьж, эргэн тойронд байгаа хүмүүс, эх орноо ашиг хонжоо олох хэрэгсэл болгон харж ирсэн хэсэг бүлэг луйварчдад хамаатай. Үнэхээр халаасны өрөө хөлслөгчөөс эхлээд хагартлаа баяжсан нөхдүүдийн хуудуутай үйлдэл өдгөө ил болж шил дараалан “Аавынх” руу ачигдаж байгаа нь луйварчдыг нийгэм өөрөө ЗАЛГИЖ эхлээд байна гэсэн үг.

Тэгвэл энэ удаа “залгигдаж” эхлээд байгаа албан тушаалтнаар АН-ын гишүүн, Өмнөговь аймгийн ИТХ-ын дарга Х.Түмэнбаяр тодорлоо. Түүний булхайтай үйлдэл, буруу шийдвэрийг хэвлэлээр чамгүй бичиж байсан боловч үгүйсгэсээр ирсэн тэрбээр камерын дуранд ийн өртжээ. “Тавантолгой” ХК-ийн гүйцэтгэх захирлын зөөлөн сэнтийд тухлан мөнгө өнгөөр асуудлыг шийдэж, нутгийн иргэдийн толгой дээр гараад суучихсан гэгддэг тэрбээр Авлигатай тэмцэх газар /АТГ/, Улсын мөрдөн байцаах газраар /УМБГ/ гүйдэлтэй болсон нь түүний увайгүй булхай илэрч асуугдаж, хоргоогдож байж мэдэх юм. Түүнийг ямар хэргээр байцаагдаж байгааг бид сурвалжлан эргэн хүргэх болно. Юутай ч энэ удаа түүний АТГ болон УМБГ-аас гарч ирж байгаа болон орж байгаа фотог нийтэллээ. Энд дарж “Масктай матар”-ыг уншина уу.