Дэлхийн цирк Монголд нээлтээ хийлээ
Дэлхийн Цирк Монголд ирж, өчигдөр нээлтээ хийлээ. Тив дэлхийд алдартай циркийн шилдгүүд олон жилийн дараа ийнүү Монголд чуулж байгаа ажээ. Тоглолт ердөө долоохон хоног болох бөгөөд АНУ, ОХУ, Герман, Украйн, Унгар, Канад, Вьетнам, Гватемал, Азербайжан, БНХАУ, Испани, Армен, Монгол зэрэг нийт 15 орны 60 гаруй жүжигчид шилдгийн шилдэг үзүүлбэрээ Монголын тайзнаа дэлгэх нь ээ.
Циркийг эрээн хувцастай, этгээд хөөрхөн төрхтэй, бүтэлгүй ч хөөрхөн алиалагчгүй төсөөлөхийн аргагүй билээ. Энэ удаад бяцхан үзэгчдийг баярлуулахаар хөгжилтэй алиалагчид болон олон улсын нэр хүндтэй тэмцээнүүдийн шагналтан авьяаслаг муужгайнууд, акробатчин нохой гээд олон сонирхолтой үзүүлбэрүүд хүлээж байгаа гэсэн шүү.
Тоглолтыг ССАЖЯ-ны дэмжлэгтэйгээр “Монгол Циркийн Хөгжлийн Төв” ТББ зохион байгуулж байгаа бөгөөд урлаг соёлын болоод бизнесийн байгууллагууд дэмжин хамтран ажиллаж байгаа юм.
Монголын циркийн алтан тайзнаа дэлхийн шилдэгүүд дахин цуглуулсан уг тоглолтын гол зорилго нь дэлхийн циркийн урлагийн өнөөгийн түвшинг Монголын үзэгчдэд бодитоор үзүүлж, Монголын циркийн урлагийн нэрийг дэлхий дахинаа цуурайтуулах аж.
Эрүүгийн 3 хэрэгт нийт 8 объектод мөрдөн шалгах нэгжлэгийн ажиллагаа хийв
Бусдад их хэмжээний хохирол учруулж, залилсан хэргийг шүүхэд шилжүүлжээ
Баянгол дүүргийн 1 дүгээр хороонд ашиглалтын шаардлага хангахгүй барилгыг буулгаж, нийтийн эзэмшлийн талбай байгуулна
НЕБ-ын 184-р сургуулиас Энхтайваны өргөн чөлөө хүртэл 90 метр авто зам барина
100 байршилд автобусны карт цэнэглэгч киоск төхөөрөмжийг байршуулжээ
Өнгөрөгч долоо хоногт 10 удаагийн ой, хээрийн гал түймрийг унтраах ажиллагааг зохион байгууллаа
Засгийн газар эхний сардаа эдийн засгийн эрх чөлөөний бодлогын бодит гараа болгож, Чөлөөлөлтийн 12 шийдвэр гаргалаа