“Гитлер” Монголын кино урлагт хүчтэй “орилж” чадлаа.

Саяхан “Улаан дөрвөлжин” киногоо үзэгчдийн хүртээл болгоод байгаа найруулагч Б.Ганболдыг Гитлер хэмээн хочилдог. Тэрээр “Орхидос”, “Тнгри” зэрэг олон уран бүтээлүүдийг үзэгчдийн хүртээл болгож, басхүү мэргэжлийнхнээсээ “онц” үнэлгээ авч чадсан билээ. Энэ удаад ч түүний шинэ бүтээл мэргэжлийнхэн төдийгүй үзэгчдэд ч ихээр таалагдаж байгаа аж. Сүүлийн үед хайр сэтгэлийн сэдэвтэй бүтээлүүд ихээр гарч байгаа бөгөөд чанарын хувьд ч муудаж байгаа. Ялангуяа мөнгөнийн төлөө уран бүтээл хийх болоод байгаа энэ үед бусдаас шинийг сэтгэж, сэтгэхүйн эмгэнэлт буюу сонгодог бүтээлийг дэлгэцнээ амилуулж, олон хүмүүсийн нүдийг нээсэн гэлтэй. Монголдоо ч төдийг дэлхийн хэмжээнд хүчтэй “орилж” чадах бүтээл болсонд ийнхүү олон хүмүүс чангаар “алга” ташиж байгаа юм.