Н.Энхбаярыг ялаас чөлөөлөх ажлыг хөөцөлдөхийг хүсчээ

МАХН-ын дарга Н.Энхбаярын гэргий О.Цолмон МАХН-ын Гүйцэтгэх товчооны гишүүдэд хандан захидал илгээжээ. Тэрээр энэхүү захидалдаа нөхрийнхөө эрүүл мэнд, амь насанд эрсдэл учирсанд шаналж аргагүйн эрхэнд орж Гүйцэтгэх товчоонд хандаж буйгаа илэрхийлсэн байна. 

Захидлын зарим хэсгийг сийрүүлбэл, “...Өвчний улмаас ялаас чөлөөлөх ажлыг хурдан хөөцөлдөж эхлээч. Манай нам олонхи биш  учраас амархан бүтэхгүйг мэднээ. Гэхдээ ядахдаа бүгд өөрөөсөө шалтгаалах бүхнийг хийж, уйгагүй завсар зайгүй хөөцөлдвөл заавал үр дүнд хэлнэ. Миний нөхрийн оношийг зөв тодорхой гаргахад манай орны эмч нарын бэлтгэл хангалтгүй байна. Нөгөө талаас манай нөхцөлд тохируулж эмчилгээг хийе бие организм нь хүлээн авах чадвар муу байна. Эмчилгээгээ дийлэхгүй улам муудах эрсдэл байгаа нь тодорхой болсон. II эмнэлэгт ирээд биеийнх нь байдал дордоод байна” гэжээ.