“Дархлагдсан” Доргио

Нийслэлийн Иргэдийн Төлөөлөгчдийн Хурлын Тэргүүлэгчдийн 2012 оны нэгдүгээр сарын 27-ны өдрийн 08 дугаар тогтоолоор согтууруулах ундаа худалддаг болон үйлчилдэг аж ахуйн нэгжийн ажиллах цагийн хуваарийг шинэчлэн баталсан билээ. Уг тогтоолоор хүнсний худалдаа эрхэлдэг аж ахуйн нэгж 08.00- 24.00, зоогийн газар 07.00- 24.00, баар 15.00-24.00, кафе 10.00-22.00 цаг хүртэл ажилж байхаар заасан бөгөөд энэ шийдвэрийн хэрэгжилт нийслэлийн нутаг дэвсгэрт хүчин төгөлдөр мөрдөгдөж байгаа. Гэвч үнэн хэрэгтээ энэхүү тогтоол шөнийн цэнгээний газруудын хувьд тэгш бус үйлчлэн, зарим “дархлагдсан” газрууд бараг өглөөний нар мандтал ажилж байгааг мэдэхгүй хүн үгүй. Улаанбаатарт хууль хэрхэн зөрчиж болдгийг яруу тодоор харуулсан нэгэн тод жишээ бол “Доргио” шөнийн цэнгээний газар. Аргагүй л ардаа “том” хүнтэй энэ бааранд цагдаагийн ажилтнууд ирсэн ч “нөлөөлөх”-өө больсон шиг. Манайд л дээгүүрт жагсдаг байсан “Metropolis”, “Brix” зэрэг цэнгээний газрууд ар араасаа хаалгаа барьж байхад энэ газарт хууль үйлчлэхгүй, шөнө оройн цагаар амьдрал “буцалж”, Монголын хуулийг ийнхүү уландаа гишгэсээр байх гэж үү? Юутай ч манай дуранд “Доргио”-гийн гадаа юу болж байгааг өөрсдийн дурандаа буулгаснаа та бүхэнд хүргэж байна.