Боёо өнөөдөр Гавьяатын найр хийнэ

Монголын хошин урлагийн отгон Гавьяат өнөөдөр цолны найр хийхээр мэргэжил нэгт уран бүтээлчид, ойр дотны найз нөхөддөө урилга илгээжээ.

Уран цэцэн үг, алиа марзан, хошин дүр төрхөөр эршүүд бүсгүй, эмгэний дүрийг хэн хүнээс илүүтэй чадварлагаар тайзнаа амилуулан үзэгчдэд баясал, ухаарлыг хослуулан хүргэдэг жүжигчин Б.Ариунболд “Шинэ үе” хэмээх их айлын эзэн нь болж, инээд бэлэглэж яваа. 

Хошин урлагийн салбараас төрсөн отгон гавьяат өнгөрсөн арванхоёрдугаар сард Ерөнхийлөгчөөс цол тэмдгээ гардан авсан билээ. Түүний Гавьяат цолны найр өнөөдөр “Улаанбаатар” ресторонд болох бөгөөд хошин урлагийн үе үеийн төлөөлөл болсон уран бүтээлчид цугларах нь ээ.