МАХН-ынхан Н.Энхбаяртай золгожээ

МАХН-ын Гүйцэтгэх товчооны гишүүд болох УИХ-ын гишүүн О.Баасанхүү, З.Баянсэлэнгэ, Эрүүл мэндийн сайд Н.Удвал, Хууль зүйн дэд сайд Э.Эрдэнэжамъян нар өчигдөр Шүүхийн шийдвэр гүйцэтгэлийн ерөнхий газрын харьяа 401 дүгээр ангид очиж, Н.Энхбаяртай уулзаж, сар шинийн золголт хийжээ. МАХН-ын дарга Н.Энхбаяр нь бие хамгаалагчийнхаа хамтаар хоригдож буй юм байна. Улсын дээд шүүхээс түүнд 4.6 жилийн ял сонсгосны дараа хамгаалалтыг нь буулгасан, буулгаагүй гэх хоёрдмол мэдээлэл цацагдаж байсан нь ийнхүү тодорхой боллоо. 

Намын нөхдийнх нь хэлж байгаагаар Н.Энхбаяр дарга амьсгаадалт ихтэй байсан аж. Энэ нь зүрх сайнгүй байж мэднэ гэлээ. 

МАХН, МҮАН-ын гишүүд дэмжигчид өчигдөр намын төв байр болох Цагаан ордондоо шинэлж, улмаар УИХ-ын гишүүн О.Баасанхүү тэргүүтэй тус намын Гүйцэтгэх товчооны гишүүд намын дарга Н.Энхбаяртай золгоно хэмээн Хорих 401 дүгээр ангийг зорьсон байсан юм.