Н.Энхбаярыг 441 анги руу шилжүүллээ

Гурван шатны шүүхээс гэм буруутай нь тогтоогдож, 2.6 жилийн хорих ялаар шийтгүүлэн, Нэгдсэн хорих 401 дүгээр ангийн эмнэлэгт хэвтэн эмчлүүлж байсан  МАХН-ын дарга Н.Энхбаярыг хуучин Ганц худаг буюу 441 дүгээр анги руу өчигдөр 22.00 цагийн үед шилжүүлсэн байна. Энэ талаар Шүүхийн шийдвэр гүйцэтгэх ерөнхий газрын албаны эх сурвалжаас тодруулахад “Нэгдсэн хорих 401 дүгээр анги буюу  Дамжин өнгөрүүлэх хорих бол шүүхээс ялыг нь эцэслэсэн хүний хорих ангийн харъяаллыг тогтоох хүртэл түр байлгадаг анги юм. Нэгдсэн хорих ангиас бүх хүмүүжигчдийг хорих ангиуд руу хувиарладаг. Энэ журмын дагуу Н.Энхбаярыг хуучин Ганц худаг буюу хорих 441 дүгээр анги руу шилжүүлсэн. Энэ явдал нь МАХН-ын дэмжигчид өлсгөлөн зарласантай ямар ч холбоогүй гэдгийг хэлмээр байна” гэсэн юм.