“Ододтой бүжиглэе-3” удахгүй “Гала” тоглолтоо хийнэ

“ТВ-5” телевизээс зохиодог “Ододтой бүжиглэе 3” шоу үдэш бүр 20.00 цагт үзэгчдэд хүрж байгаа билээ. Урлаг, спортын одод болох дуучин ноён Бондгор, “Маск” продакшны жүжигчин, Соёлын тэргүүний ажилтан Ц.Ганзориг, Азийн модель агентлагийн тэргүүн, мисс Ч.Содтуяа, Уран нугараач, Соёлын тэргүүний ажилтан Э.Лхагва-Очир, Соёлын тэргүүний ажилтан, дуучин Б.Болдбаатар УДЭТ-ын жүжигчин, Соёлын тэргүүний ажилтан Г.Отгонцэцэг, “Aneмone” хамтлагийн дуучин Жаанаа нар тус шоунд мэргэжлээ солин уран сэтгэмж, бүжгийн ур чадвараар бүтэн сарын турш өрсөлдөж байгаа билээ.

Энэхүү шоу маань энэ сарын 28-нд телевизээр цацагдаж дуусах бөгөөд 01-р сарын 03-нд хаалтын “Гала” тоглолтоо хийх юм байна.