Оюунгэрэл орифлэймээс гарсан гэнэ

Орифлэймоор овоглосон Оюунгэрэл нь Монголчууд сүлжээний бизнесийн тухай бараг дуулаа ч үгүй шахам байхад “Орифлэйм”-ийн тухай ярьж, Монголд нэвтрүүлж,  мянга мянган гишүүдийнхээ итгэл сэтгэл, зүтгэлээр олз омог, амжилт бүтээлээр өндөрлөгт хүрсэн хүн бол  Г.Оюунгэрэл. Тэрбээр Азиас анх удаагаа хамгийн том цолд хүрч, дэлхийд зургаад бичигдэж, Орифлеймийн ерөнхийлөгч цол хүртэж 100.000 ам. доллараар шагнуулж явсан удаатай. Гэтэл Шведийн компанийн буянаар эдийн засгийн эрх чөлөөг эдлэх болсон хатагтай 2012 оны УИХ-ын сонгуулийн өмнө  МАХН-д элсч, Чингэлтэй дүүрэгт  дэвшсэн хэдий ч амжилт олоогүй. Дэлхийн олон оронд салбартай Шведийн “Орифлэйм” компани хэрвээ улс төр хөөхөөр бол компаниас татгалзах ёстой, улстөр, орифлеймийн бизнесийг зэрэгцүүлж хийж болохгүй гэсэн шаардлага тавьсан гэдэг. Тиймээс Г.Оюунгэрэл сонголтоо хийж,   улстөрд хөл тавьсан юм. Тэгэхээр Г.Оюунгэрэл Орифлеймээс бүр мөсөн гарч, Орифлеймийн гэж  овоглуулах эрхгүй боллоо.