“Ододтой бүжиглэе-3” шоунд Отгонцэцэг онцгой байна

ТВ-5 телевиз 10 жилийн ойдоо зориулж “Ододтой бүжиглэе-3” шоуг амжилттай зохион байгуулж  үдэш бүр 20 цагаас үзэгчдийн хүртээл болж байгаа билээ. Энэхүү тэмцээнд урлаг, спортын салбарт олонд танигдаж, уран бүтээл, амжилтаараа бусдаас ялгарч үзэгч түмний талархалыг хүлээсэн оролцогчид оролцож бүжиг хэмээх гайхалтай урлагаар ширүүхэн өрсөлддөгөөрөө онцлогтой.

Ододтой бүжиглэе-3 шоуны өрсөлдөгчид болох загвар өмсөгч Содтуяа, дуучин Ноён Бондогор, Болдбаатар, жүжигчин Отгонцэцэг, Anemone хамтлагийн дуучин Жаанаа зэрэг уран бүтээлчид  оролцож байгаа билээ. Тэднээс Драмын театрын жүжигчин Отгонцэцэг  үзэгчдээс болон шүүгчдээс ихэд сайн үнэлгээ авч байна. Тэрээр мэргэжлийн бүжигчдээс дутуугүй бүжгийн гайхамшигийг харуулж, одоогоор оноогоор тэргүүлж буй оролцогчдын нэг болоод байгаа аж. Мөн  Anemone хамтлагийн дуучин Жаанаа залуу хүний эрч, хүч гарган Отгоогийн араас нэхэж байгаа юм байна.