Дуучин Сэлэнгээ 2 дахь цомгоо гаргалаа

Бүсгүйн заяа, “Чинийхээ дэргэдээс” зэрэг олон дуугаараа  залуусын сонорыг мялаасан дуучин Сэлэнгээ шинэ өнгө төрхтэйгөөр урлагийн ажилдаа эргэн орж, дан ардын дуунаас бүрдсэн  “Аялуун” нэртэй  цомогоо гаргаад багагүй хугацаа өнгөрөөд байна. Аялуун цомогт нь “Хөх торгон цамц”, “Аргагүй амраг”, “Бүүвэйн дуу” зэрэг есөн дуу багтсан байдаг.  Тэгвэл энэ удаад Стиль имижээ эрс өөрчлөн  ардын дуугаар амьсгалсан Ч.Сэлэнгэ саяхан поп дуунаас бүрдсэн шинэ цомогоо гаргажээ. Энэхүү цомогтоо дуучин Бобо, Бичү зэрэг уран бүтээлчидтэй хамтарч дуулсан уран бүтээлүүдээс гадна, хүний сэтгэлийн нандин утсыг хөдөлгөсөн олон сайхан дуунуудаа багтаасан байна. Ийн дуучин Сэлэнгээгийн хоёр дахь цомог  фэн олных нь сонорт хүрлээ.